Nummer 4

Gregorius^a episcopus, servus servorum Dei, dilectis in Christo filiabus conventui^b monialium monasterii sancte Marie de sancto Gerlaco, Premonstratensis ordinis, Leodiensis diocesis, salutem et apostolicam benedictionem. 

Cum a nobis petitur quod iustum est et honestum, tam vigor equitatis quam ordo exigit rationis, ut id per sollicitudinem officii nostri ad debitum perducatur effectum.

Eapropter, dilecte in Christo filie, ves[tris]^c iustis postulationibus grato concurrentes assensu, personas vestras et locum, in quo divino estis obsequio mancipate, cum omnibus bonis que impresentiarum rationabiliter possidet aut in futurum iustis modis prestante Domino poterit adipisci, sub beati Petri et nostra protectione suscipimus. Specialiter autem terras, possessiones et alia bona vestra, sicut ea omnia iuste ac pacifice possidetis, vobis et per vos monasterio vestro auctoritate apostolica confirmamus et presentis scripti patrocinio communimus.

Nulli ergo omnino hominum liceat hanc paginam nostre protectionis et c[o]nfirmationis^d infringere vel ei ausu temerario contraire. Si quis autem hoc attemptare presumpserit, indignationem omnipotentis Dei et beatorum Petri et Pauli apostolorum Eius se noverit incursurum.

Datum Anagnie, IIII idus ianuarii, pontificatus nostri anno sexto^e.

‍

^a geoblongeerd, vergrote en versierde initiaal A.
^b aldus A, lees conventus.
^c gat in perkament A, aangevuld naar B.
^d gat in perkament A, aangevuld naar B.
^e hierna sluitingsteken A.