Nummer 25

C. miseratione divina Portuensis et Sancte Rufine episcopus, apostolice sedis legatus dilectis in Christo ^{. .} abbati et conventui Rodensi, salutem in Christo Iesu.

Sacrosancta Romana ecclesia devotos ac humiles filios ex assuete pietatis officio propensius diligere consuevit et pravorum hominum molestiis agitetur, eos tamquam pia mater sub protectionis munimine confovere.

Eapropter, dilecti in Domino, vestris iustis precibus inclinati personas vestras cum omnibus bonis que in presentiarum rationabiliter possidetis vel in futurum iustis modis prestante Domino poteritis adipisci, sub sacrosancte Romane ecclesie et nostra protectione suscipimus. Specialiter agros, domus et prata que Iutta et Margareta filia sua pro remedio animarum suarum ecclesie vestre liberaliter contulerunt, vobis et per vos ecclesie vestre legationis auctoritate, qua fungimur, sicut ea iuste possidetis et canonice, confirmamus et presentis scripti patrocinio communimus.

Nulli ergo omnino hominum liceat hanc paginam nostre protectionis et confirmationis infringere vel ei ausu temerario contraire. Siquis autem hoc attentare presumserit, indignationem omnipotentis Dei et beatorum apostolorum Petri et Pauli se noverit incursurum.

Datum Colonie, XVII kalendas settembris, pontificatus domini Honorii pape III anno nono.